جرمنی نے اسپین کو 0-1 سے شکست دے کر ایف آئی ایچ مینز ہاکی ورلڈ کپ 2026 کا ٹائٹل جیت لیا۔ جرمنی نے چوتھی بار عالمی اعزاز اپنے نام کیا ہے۔ اس کامیابی کے ساتھ جرمنی نے پاکستان کا بھی ایک اہم ریکارڈ برابر کردیا ہے۔ پاکستان اور جرمنی اب مردوں کے ہاکی ورلڈ کپ میں چار، چار مرتبہ چیمپئن بن چکے ہیں۔
فائنل اتوار 30 اگست کو بیلجیم کے شہر واورے میں کھیلا گیا۔ بیلفیئس ہاکی ایرینا میں دونوں ٹیموں کے درمیان سخت مقابلہ ہوا۔ میچ کا واحد گول مشیل اسٹروتھوف نے کیا۔ انہوں نے تیسرے کوارٹر کے آخری لمحات میں گیند کو جال میں پہنچایا۔ یہ گول جرمنی کے لیے فیصلہ کن ثابت ہوا۔
اسپین نے میچ کے کئی مرحلوں میں گیند پر زیادہ قبضہ رکھا۔ ہسپانوی ٹیم نے جرمنی کے مقابلے میں زیادہ مواقع بھی پیدا کیے۔ تاہم جرمن دفاع نے شاندار کھیل پیش کیا۔ جرمن کھلاڑیوں نے اسپین کے متعدد حملوں کو گول میں تبدیل نہیں ہونے دیا۔ جرمنی نے آخری لمحے تک اپنی ایک گول کی برتری برقرار رکھی۔
تیسری پوزیشن کے میچ میں ارجنٹینا نے نیدرلینڈز کو 1-2 سے شکست دی۔ اس کامیابی کے ساتھ ارجنٹینا نے کانسی کا تمغہ حاصل کرلیا۔ یوں 2026 کے مردوں کے ہاکی ورلڈ کپ میں جرمنی چیمپئن، اسپین رنر اپ اور ارجنٹینا تیسرے نمبر پر رہا۔
About The Author
