آئی سی سی مینز انڈر 19 کرکٹ ورلڈ کپ 2025 کے شیڈول کا باضابطہ اعلان کر دیا گیا ہے۔ ایونٹ آئندہ برس 15 جنوری سے 6 فروری تک نمیبیا اور زمبابوے میں شیڈول ہے، جس میں عالمی کرکٹ کی ابھرتی ہوئی ٹیمیں شرکت کریں گی۔
ٹورنامنٹ کے پہلے مرحلے میں 16 ٹیموں کو چار گروپس میں تقسیم کیا گیا ہے، جبکہ مجموعی طور پر 23 دن کے دوران 41 میچز کھیلے جائیں گے۔ ورلڈ کپ سے قبل وارم اپ میچز 9 سے 14 جنوری تک ہوں گے۔
گروپ اے میں بھارت، بنگلادیش، امریکا اور نیوزی لینڈ شامل ہیں۔ گروپ بی میں زمبابوے، پاکستان، انگلینڈ اور اسکاٹ لینڈ کی ٹیمیں مدِ مقابل ہوں گی۔ گروپ سی میں آسٹریلیا، آئرلینڈ، جاپان اور سری لنکا جبکہ گروپ ڈی میں تنزانیہ، ویسٹ انڈیز، افغانستان اور جنوبی افریقہ شامل ہیں۔
ٹورنامنٹ کے سیمی فائنل 3 اور 4 فروری کو جبکہ فائنل میچ 6 فروری کو کھیلا جائے گا۔پاکستان انڈر 19 ٹیم اپنے گروپ مرحلے کے میچ 16 جنوری کو انگلینڈ، 19 جنوری کو اسکاٹ لینڈ اور 22 جنوری کو میزبان زمبابوے کے خلاف کھیلے گی۔
وارم اپ مرحلے میں پاکستان کا مقابلہ 10 جنوری کو بنگلادیش اور 13 جنوری کو نیوزی لینڈ سے ہوگا۔
About The Author
