غیرملکی میڈیا کے مطابق ایران کے مسلسل حملوں اور سیکیورٹی خدشات کے باعث دبئی اور ابوظہبی سے خطے کے امیر ترین افراد، کاروباری شخصیات اور بین الاقوامی اداروں کے ایگزیکٹوز بڑے پیمانے پر ریاض منتقل ہو رہے ہیں۔
ریاض کا ہوائی اڈہ ان چند فعال ہوائی اڈوں میں سے ایک بن گیا ہے جو اب بھی خطے میں پروازوں کے لیے کھلا ہے۔ امیر افراد اپنے خاندانوں کے ہمراہ گاڑیوں کے ذریعے ریاض پہنچ رہے ہیں، جبکہ دبئی سے آنے والے ایگزیکٹوز ریاض سے چارٹرڈ فلائٹس کے ذریعے یورپی ممالک کے لیے روانہ ہو رہے ہیں۔
ذرائع کے مطابق ریاض سے یورپی ممالک کے لیے پرائیوٹ طیارے کی بکنگ تقریباً 3 لاکھ 50 ہزار ڈالرز ہو گئی ہے، جو خطے میں کشیدگی اور سیکیورٹی خدشات کی شدت کو ظاہر کرتی ہے۔
About The Author
