Pakistan Football Federation نے اعلان کیا ہے کہ پاکستان اور میانمار کے درمیان ہونے والا اہم فٹبال مقابلہ شائقین کے بغیر کھیلا جائے گا۔
پی ایف ایف کے جاری کردہ بیان کے مطابق یہ میچ AFC Asian Cup Qualifiers کے سلسلے میں 31 مارچ کو اسلام آباد میں کھیلا جائے گا، تاہم حکومتی ہدایات کے تحت اسے کلوز ڈور رکھا جائے گا۔
فیڈریشن نے کہا کہ حکومت پاکستان کی کفایت شعاری پالیسی اور ایندھن کی بچت کے اقدامات کے پیش نظر 200 سے زائد افراد کے اجتماعات پر پابندی عائد ہے، جس کے باعث یہ فیصلہ کیا گیا۔
پی ایف ایف کے مطابق تمام ٹکٹ ہولڈرز کو ان کی رقم اصل ادائیگی کے طریقہ کار کے تحت خودکار طور پر واپس کر دی جائے گی۔
بیان میں مزید کہا گیا کہ فیڈریشن شائقین کی دلچسپی کو سراہتی ہے، تاہم موجودہ حالات میں قومی پالیسی پر عمل درآمد کو ترجیح دی جا رہی ہے۔
About The Author
