زمبابوے کرکٹ بورڈ نے اعلان کیا ہے کہ آسٹریلیا کرکٹ ٹیم رواں سال ستمبر میں تین ایک روزہ میچز کی سیریز کے لیے زمبابوے کا دورہ کرے گی۔
بورڈ کے مطابق یہ میچز 15، 18 اور 20 ستمبر کو ہرارے میں کھیلے جائیں گے، جہاں دونوں ٹیمیں آئی سی سی ایونٹس سے قبل اپنی تیاریوں کو حتمی شکل دیں گی۔
یہ سیریز انٹرنیشنل کرکٹ کونسل کے تحت ہونے والے آئندہ ون ڈے ورلڈ کپ کی تیاریوں کا اہم حصہ سمجھی جا رہی ہے، جس میں دونوں ٹیمیں اپنی بہترین کمبی نیشن آزمانے کی کوشش کریں گی۔
زمبابوے کرکٹ کے مطابق آسٹریلوی ٹیم ایک دہائی سے زائد عرصے بعد ون ڈے سیریز کے لیے زمبابوے کا رخ کرے گی۔ اس سے قبل آخری بار آسٹریلیا نے 2014 میں ایک ٹرائینگولر سیریز کے لیے زمبابوے کا دورہ کیا تھا۔
ماہرین کے مطابق یہ سیریز نہ صرف زمبابوے کے لیے ایک بڑا موقع ہے بلکہ عالمی کرکٹ میں اس کی موجودگی کو مضبوط بنانے میں بھی مددگار ثابت ہو سکتی ہے، جبکہ آسٹریلیا کے لیے یہ دورہ ایشیائی اور افریقی کنڈیشنز میں خود کو بہتر بنانے کا موقع فراہم کرے گا۔
About The Author
