سری لنکا نے پاکستان کے خلاف ٹی ٹوئنٹی سیریز کے لیے 15 رکنی اسکواڈ کا اعلان کردیا ہے۔کوشال مینڈس سری لنکن ٹیم کی قیادت کریں گے۔ اسکواڈ میں تجربہ کار اور نوجوان کھلاڑی شامل ہیں۔
سری لنکن اسکواڈ میں کامل مشارا، سنتھ جے وردھنے اور لاہیرو اُدارا شامل ہیں۔سہان اراچیگے، کمندو مینڈس اور داسن شناکا بھی ٹیم کا حصہ ہیں۔چمندو وکرما سنگھے، دونیتھ ویلالاگے اور مہیش تھیکشانا بھی اسکواڈ میں شامل ہیں۔
وجے اکانتھ ویاساکانتھ، دشمانتا چمیرا اور بینورا فرنانڈو کو بھی ٹیم میں جگہ دی گئی ہے۔نوان توشارا اور ایشان ملنگا اسکواڈ کے دیگر کھلاڑی ہیں۔
پاکستان اور سری لنکا کے درمیان تین ٹی ٹوئنٹی میچز کھیلے جائیں گے۔دونوں ٹیمیں 9 سے 13 اکتوبر تک راولپنڈی میں مدمقابل ہوں گی۔ تینوں میچز راولپنڈی کرکٹ اسٹیڈیم میں شیڈول ہیں۔سری لنکن ٹیم اس سیریز کے ذریعے پاکستان کے خلاف مختصر فارمیٹ میں میدان میں اترے گی۔
ٹی ٹوئنٹی سیریز کے بعد تین ملکی ون ڈے سیریز کا انعقاد ہوگا۔یہ سیریز 18 سے 31 اکتوبر تک پاکستان میں کھیلی جائے گی۔ میچز راولپنڈی اور لاہور میں ہوں گے۔تین ملکی سیریز میں پاکستان، انگلینڈ اور سری لنکا کی ٹیمیں حصہ لیں گی۔سیریز کے میچز ون ڈے فارمیٹ میں کھیلے جائیں گے۔ اس کے بعد فائنل بھی شیڈول کے مطابق کھیلا جائے گا۔
About The Author
