United Arab Emirates نے کھیلوں کے فروغ کے لیے ایک اہم قدم اٹھاتے ہوئے کئی غیر ملکی کرکٹرز کو شہریت دے دی ہے، جن میں پاکستان اور بھارت سے تعلق رکھنے والے کھلاڑی بھی شامل ہیں۔
میڈیا رپورٹس کے مطابق ادیب عثمانی، خزیمہ تنویر، اجے کمار، اکشدیپ ناتھ اور ہرپریت بھاٹیا کو نیچرلائزیشن پالیسی کے تحت یو اے ای کی شہریت دی گئی ہے۔ یہ تمام کھلاڑی پہلے Pakistan اور India کے شہری تھے اور اب باضابطہ طور پر اماراتی پاسپورٹ حاصل کر چکے ہیں۔
رپورٹ کے مطابق یہ کرکٹرز متحدہ عرب امارات کی تاریخ میں شہریت حاصل کرنے والے اولین کرکٹرز بن گئے ہیں۔ اس سے قبل 2018 کے صدارتی فرمان کے بعد فٹبال، رگبی اور جوڈو سمیت دیگر کھیلوں کے کھلاڑیوں کو بھی شہریت دی جا چکی ہے، تاہم کرکٹ میں یہ پیش رفت پہلی بار دیکھنے میں آئی ہے۔
اس سے پہلے یو اے ای کی کرکٹ ٹیم میں زیادہ تر غیر ملکی کھلاڑی International Cricket Council کے تین سالہ رہائشی قانون کے تحت شامل ہوتے تھے، لیکن ان کے پاس اماراتی شہریت نہیں ہوتی تھی۔
اب یہ پانچوں کھلاڑی متحدہ عرب امارات کی 17 رکنی ٹیم کا حصہ ہیں، جو Nepal میں ٹی ٹوئنٹی میچز اور سہ فریقی ون ڈے سیریز میں شرکت کرے گی۔
شہریت ملنے کے بعد اجے کمار نے خوشی کا اظہار کرتے ہوئے کہا کہ یو اے ای آتے ہی ان کا خواب تھا کہ وہ اس ملک کی عالمی سطح پر نمائندگی کریں، اور اب انہیں یہ موقع ملنے پر وہ بے حد خوش ہیں۔
About The Author
