معروف ٹک ٹاکر Hakim Shehzad Loha Par کو خاتون ٹک ٹاکر سے مبینہ زیادتی کی کوشش کے الزام میں گرفتار کر لیا گیا ہے۔
پولیس ذرائع کے مطابق تھانہ صدر نے ملزم کو حراست میں لے کر اس کے خلاف زیادتی کی دفعات کے تحت مقدمہ درج کر لیا ہے۔ حکام کا کہنا ہے کہ متاثرہ خاتون کی شکایت پر کارروائی عمل میں لائی گئی۔
ایف آئی آر کے مطابق ملزم نے خاتون ٹک ٹاکر کو کیس میں صلح کے بہانے اپنے دواخانے بلایا، جہاں اس کے ساتھ مبینہ طور پر زیادتی کی کوشش کی گئی۔ پولیس کے مطابق واقعے کے دوران خاتون کے کپڑے بھی پھاڑ دیے گئے۔
قانون نافذ کرنے والے اداروں کا کہنا ہے کہ ملزم کو گرفتار کر کے مزید تفتیش شروع کر دی گئی ہے اور شواہد کی بنیاد پر کیس کو آگے بڑھایا جائے گا۔
دوسری جانب پولیس نے اس عزم کا اظہار کیا ہے کہ معاملے کی شفاف تحقیقات کی جائیں گی اور قانون کے مطابق کارروائی عمل میں لائی جائے گی۔
About The Author
