برطانیہ کے بلدیاتی انتخابات: لیبر پارٹی کو دھچکا، ریفارم یو کے کی بڑی پیش رفت -

برطانیہ کے بلدیاتی انتخابات میں وزیرِاعظم Keir Starmer کی لیبر پارٹی کو بڑے سیاسی نقصان کا سامنا کرنا پڑا، جبکہ ریفارم یوکے نے شمالی انگلینڈ سمیت متعدد اہم علاقوں میں نمایاں کامیابیاں حاصل کرکے ملکی سیاست میں اپنی پوزیشن مزید مضبوط کر لی ہے۔

میڈیا رپورٹس کے مطابق Hartlepool میں ریفارم یو کے نے تمام 12 نشستوں پر کامیابی حاصل کی، جبکہ Halton میں پارٹی 15 نشستیں جیتنے میں کامیاب رہی۔

اسی طرح Wigan میں لیبر پارٹی کو شدید دھچکا لگا جہاں اسے 20 نشستوں سے ہاتھ دھونا پڑا، جبکہ ریفارم یو کے نے 23 نشستیں اپنے نام کر لیں۔

رپورٹس کے مطابق لیبر پارٹی کے کئی روایتی مضبوط گڑھ بھی ریفارم یو کے کے قبضے میں چلے گئے ہیں، جس کے بعد وزیرِاعظم کیئر اسٹارمر کی قیادت پر سوالات مزید شدت اختیار کر گئے ہیں۔

سیاسی رہنما Jonathan Brash نے بھی کیئر اسٹارمر سے استعفے کا مطالبہ کرتے ہوئے انتخابی نتائج کو حکومت کے خلاف عوامی ردِعمل قرار دیا ہے۔

دوسری جانب Liberal Democrats نے Stockport کونسل پر اپنا کنٹرول برقرار رکھا۔

سیاسی مبصرین کے مطابق ان نتائج کے بعد Nigel Farage کی جماعت ریفارم یو کے برطانیہ کی سیاست میں ایک بڑی اور مؤثر سیاسی قوت کے طور پر ابھر رہی ہے، جو آئندہ عام انتخابات میں روایتی جماعتوں کے لیے بڑا چیلنج ثابت ہو سکتی ہے۔