ذرائع کے مطابق Iran نے Qatar کے مائع قدرتی گیس بردار جہاز کو آبنائے ہرمز سے گزرنے کی اجازت دے دی ہے۔
بین الاقوامی خبر رساں ادارے کے مطابق قطری گیس بردار جہاز ’’الخریتیات‘‘ آبنائے ہرمز کی جانب بڑھ رہا تھا، جس کے بعد ایران کی جانب سے اس کے محفوظ گزرنے کی منظوری دی گئی۔
رپورٹس کے مطابق ایران اور امریکا کے درمیان کشیدگی کے آغاز کے بعد یہ پہلا موقع ہو گا کہ قطری گیس بردار جہاز آبنائے ہرمز سے گزرے گا۔
ذرائع کا کہنا ہے کہ یہ گیس Pakistan کو حکومت سے حکومت کے معاہدے کے تحت فراہم کی جا رہی ہے۔ بتایا گیا ہے کہ پاکستان نے حالیہ بحران میں ثالثی کا کردار ادا کیا، جس کے تناظر میں ایران نے قطر اور پاکستان کے ساتھ اعتماد سازی کے طور پر اس کھیپ کی اجازت دی۔
معاہدے سے واقف افراد کے مطابق پاکستان اپنی فوری توانائی ضروریات پوری کرنے کے لیے ایران کے ساتھ رابطے میں ہے تاکہ محدود تعداد میں گیس بردار جہازوں کو آبنائے ہرمز سے گزرنے کی اجازت دی جا سکے۔
ذرائع نے مزید بتایا کہ ایران نے اس معاملے میں تعاون پر آمادگی ظاہر کی ہے جبکہ پاکستان اور قطر کے حکام بھی گیس کی ترسیل کے محفوظ انتظامات کے لیے رابطے میں ہیں۔
ماہرین کے مطابق آبنائے ہرمز سے گیس بردار جہازوں کی محدود بحالی خطے میں کشیدگی کم کرنے اور توانائی کی عالمی رسد برقرار رکھنے کے لیے اہم پیش رفت سمجھی جا رہی ہے۔
About The Author
