پشاور : محکمہ داخلہ خیبر پختونخوا نے دہشتگردوں کو معاونت فراہم کرنے والے سرکاری ملازمین کے خلاف کارروائی کا فیصلہ کرلیا۔
محکمہ داخلہ کے پی کے مطابق متعلقہ محکموں کو دیے گئے ٹاسک میں سرکاری ملازمین کا ڈیٹا مرتب کرنے کی ہدایت کی گئی ہے، دہشتگردوں کی معاونت ثابت ہونے پر سرکاری ملازمین کےخلاف کارروائی ہوگی۔
صوبائی محکمہ داخلہ کی جاری دستاویز میں کہا گیا ہے کہ دہشتگردوں کی معاونت میں ملوث سرکاری ملازمین کو نوکری سے برخاست کیا جائےگا۔
دوسری جانب سرکاری حکام کا کہنا ہے کہ صوبائی ایکشن پلان پر عمل درآمد شروع ہو چکا ہے جس کے تحت اب تک متعدد سرکاری ملازمین کے خلاف تحقیقات کا آغاز کیا جاچکا ہے۔
سرکاری حکام کے مطابق تحقیقات مکمل ہوتے ہی ان سرکاری ملازمین کےخلاف کارروائی کا عمل شروع کیا جائےگا۔
About The Author
