ایف سی بلوچستان ساؤتھ کے تعاون سے قائم کیے گئے اس جدید ہسپتال میں 24 گھنٹے ایمرجنسی اور ٹراما کیئر سروسز دستیاب ہوں گی جبکہ مریضوں کو سی ٹی سکین، ایم آر آئی، الٹراساؤنڈ اور دیگر جدید تشخیصی سہولیات فراہم کی جائیں گی، خواتین اور بچوں کو بہتر طبی سہولیات فراہم کرنے کے لیے ہسپتال میں خصوصی شعبہ بھی قائم کیا گیا ہے، جہاں جدید طبی آلات اور تربیت یافتہ عملہ خدمات انجام دے گا۔
ہسپتال میں جنرل میڈیسن سے لے کر نیورو سرجری تک مختلف شعبوں میں ماہر ڈاکٹروں کی خدمات دستیاب ہوں گی، جبکہ علاج معالجے کے لیے جدید آپریشن تھیٹرز بھی قائم کیے گئے ہیں، اس کے علاوہ ہسپتال میں آکسیجن جنریشن پلانٹ، 1.1 میگاواٹ پاور بیک اپ سسٹم اور عالمی معیار کے مطابق انفیکشن سے بچاؤ کے لیے جدید صفائی اور جراثیم کش نظام بھی نصب کیا گیا ہے۔
تربت میں صحت کے شعبے میں اس اہم منصوبے کی تکمیل پر عوام نے ایف سی ساؤتھ اور پاک فوج کی کوششوں کو زبردست خراجِ تحسین پیش کرتے ہوئے اسے علاقے کے لیے ایک بڑی سہولت قرار دیا ہے۔
About The Author
