اقوام متحدہ نے کہا ہے کہ افغانستان کی انٹیلی جنس ایجنسی نے اقوام متحدہ کے امدادی مشن سے وابستہ دو اہلکاروں کو گرفتار کرلیا ہے۔
اقوام متحدہ کے مطابق دونوں اہلکار اس وقت زیرِ حراست ہیں۔ تاہم ان کے خلاف عائد الزامات سے اقوام متحدہ کو آگاہ نہیں کیا گیا۔
عالمی ادارے نے بتایا کہ اسے گرفتار اہلکاروں سے ملاقات کی اجازت بھی نہیں دی گئی۔
اقوام متحدہ کے سیکریٹری جنرل انتونیو گوتریس نے واقعے پر تشویش کا اظہار کیا ہے۔
انہوں نے زیرِ حراست اہلکاروں کی خصوصی حیثیت کا احترام کرنے کا مطالبہ کیا۔
انتونیو گوتریس نے طالبان پر زور دیا کہ وہ اقوام متحدہ کے اہلکاروں کو حاصل مراعات اور استثنیٰ کی مکمل پاسداری یقینی بنائیں۔
اقوام متحدہ کے مطابق دونوں اہلکاروں کے خلاف کارروائی کی وجوہات ابھی واضح نہیں ہیں۔
عالمی ادارے کو ان کے خلاف الزامات کی تفصیلات بھی فراہم نہیں کی گئیں۔
اقوام متحدہ نے اہلکاروں تک رسائی نہ ملنے پر بھی تشویش کا اظہار کیا ہے۔
واقعے کے بعد افغانستان میں اقوام متحدہ کے عملے کی سلامتی اور کام کرنے کی صورتحال ایک بار پھر توجہ کا مرکز بن گئی ہے۔
About The Author
