اسلامی جمہوریہ ایران کرکٹ ایسوسی ایشن کے وفد نے لاہور میں پاکستان کرکٹ بورڈ (PCB) ہیڈکوارٹرز کا دورہ کیا۔
ایرانی وفد نے پی سی بی کے چیف آپریٹنگ آفیسر سمیر احمد سید سے ملاقات کی۔
وفد نے پاکستان سپر لیگ (PSL) کے چیف ایگزیکٹو آفیسر سلمان نصیر سے بھی ملاقات کی۔
ملاقات میں دونوں جانب سے کرکٹ کے فروغ پر تبادلہ خیال کیا گیا۔
ایرانی وفد نے دورے کے دوران قذافی اسٹیڈیم کا بھی جائزہ لیا۔
وفد نے کرکٹ میوزیم اور نیشنل کرکٹ اکیڈمی کا دورہ بھی کیا۔
ایرانی حکام نے پاکستان میں موجود تربیتی سہولتوں کا جائزہ لیا۔
انہیں کرکٹ کی تربیت اور ترقی سے متعلق سہولتوں کے بارے میں بریفنگ دی گئی۔
پی سی بی اور ایرانی کرکٹ ایسوسی ایشن کے درمیان اہم بات چیت ہوئی۔
دونوں فریقین نے کرکٹ تعاون بڑھانے پر اتفاق کیا۔
اس موقع پر ایرانی ٹیموں کی کوچنگ کے حوالے سے بھی اہم پیش رفت ہوئی۔
دونوں جانب نے ایرانی جونیئر اور سینئر ٹیموں کو پاکستانی کوچز کی خدمات فراہم کرنے پر اتفاق کیا۔
اس تعاون سے ایرانی کرکٹرز کو جدید تربیتی تجربات حاصل ہوں گے۔
About The Author
