پاکستان کا افغان عوام سے اختلاف نہیں، طالبان حکومت کی پالیسیوں پر اعتراض ہے، عاصم افتخار -

اقوام متحدہ میں پاکستانی سفیر عاصم افتخار نے کہا ہے کہ طالبان حکومت خطے کو غیر مستحکم کرنے کے لیےخود ایک پراکسی بن چکی ہے۔

اقوام متحدہ میں پاکستانی سفیرعاصم افتخار نےخطاب کرتےہوئےکہاکالعدم ٹی ٹی پی کو افغانستان میں محفوظ پناہ گاہیں اورسہولت حاصل ہے،طالبان حکومت ٹی ٹی پی کو اسلحہ، مالی معاونت اور پاکستان میں دراندازی کے لیےسہولت فراہم کر رہی ہے۔

پاکستانی مندوب نےکہاکہ پاکستان کا افغان عوام سےکوئی اختلاف نہیں،اعتراض طالبان حکومت کی پالیسیوں پرہے،طالبان حکومت نے 2021 کےبعد اپنےتینوں بنیادی وعدوں پرکوئی پیشرفت نہیں کی،خواتین اوربچیوں کے حقوق پر پابندیاں بھی طالبان حکومت کی ناکامی ہیں۔

انہوں نےکہاکہ سعودی عرب،ترکیہ،چین اورقطر افغانستان کےمعاملے پرثالثی کرچکے ہیں،طالبان حکومت کو دہشتگرد گروہوں کے خلاف ٹھوس اور قابلِ تصدیق اقدامات کرنا ہوں گے۔

عاصم افتخار نےکہا 2025 میں پاکستان میں دہشتگردی کے 5 ہزار 200 سے زائد واقعات ہوئے،جن میں ایک ہزار 300 سےزائد پاکستانی جاں بحق ہوئے،2026 کے پہلے 6 ماہ میں پاکستان میں 3 ہزار سےزائدحملے ہوچکے ہیں، رواں سال دہشت گردی کے واقعات میں 830 سے زائد پاکستانی جاں بحق ہوئے۔