سری لنکا انڈر 17 کے خلاف سیریز کے لیے پاکستان انڈر 17 اسکواڈ کا اعلان کردیا گیا ہے۔اذان احمد کو ٹیم کا کپتان مقرر کیا گیا ہے۔ پاکستان کرکٹ بورڈ کے مطابق اسکواڈ میں 16 کھلاڑی شامل ہیں۔اس کے علاوہ 4 کھلاڑیوں کو ریزرو فہرست میں رکھا گیا ہے۔
پاکستان اور سری لنکا انڈر 17 ٹیموں کے درمیان سیریز ملتان میں ہوگی۔سیریز 9 سے 24 اکتوبر تک جاری رہے گی۔ اس دوران ایک تین روزہ اور پانچ ایک روزہ میچ کھیلے جائیں گے۔تمام میچز ملتان کرکٹ اسٹیڈیم میں ہوں گے۔ سری لنکا انڈر 17 ٹیم 5 اکتوبر کو ملتان پہنچے گی۔ دونوں ٹیمیں 6 سے 8 اکتوبر تک پریکٹس کریں گی۔ تین روزہ میچ 9 سے 11 اکتوبر تک کھیلا جائے گا۔اس کے بعد پانچ ایک روزہ میچز 15، 17، 19، 21 اور 24 اکتوبر کو ہوں گے۔
اذان احمد نے رواں سال نیشنل انڈر 17 کپ میں راولپنڈی کی نمائندگی کی۔ان کی قیادت میں راولپنڈی انڈر 17 ٹیم نے ٹائٹل جیتا تھا۔ اذان نے اس ٹورنامنٹ میں لیگ اسپنر کے طور پر بھی نمایاں کارکردگی دکھائی۔انہوں نے آٹھ میچز میں 36 وکٹیں حاصل کیں۔ ان کی بہترین اننگز 28 رنز دے کر 4 وکٹیں رہیں۔
کپتان: اذان احمدکھلاڑی: عبداللہ احمد بٹ، ارسلان حسن، داؤد توقیر رانا، فہد اقبال، حامد رضا، حمزہ عباس بلوچ، حسن علی، محمد عیسیٰ بلوچ، محمد احسان، محمد نوید، محمد صائم، محمد یعقوب خان، محمد یوسف، شیر ولی خان اور سدیس احمد۔ریزرو کھلاڑی: عمار خان، عماد علی شاہ، نفیس اختر اور ثاقب خان۔
About The Author
