چین نے مشرق وسطیٰ میں جامع جنگ بندی اور پائیدار امن کے لیے اپنا تعمیری کردار جاری رکھنے کا اعلان کیا ہے۔ چینی وزیر خارجہ وانگ یی نے خطے میں جاری تنازعات کے سیاسی حل پر زور دیا۔
خبر ایجنسی کے مطابق، وانگ یی نے متحدہ عرب امارات (یو اے ای) کے صدر کے خصوصی ایلچی خلدون خلیفہ المبارک سے ملاقات کی۔ دونوں رہنماؤں نے اس دوران مشرق وسطیٰ کی صورت حال پر تبادلہ خیال کیا۔ملاقات میں خطے میں جاری کشیدگی اور تنازعات کے خاتمے کے لیے کوششوں پر گفتگو ہوئی۔
وانگ یی نے مشرق وسطیٰ میں جامع جنگ بندی کے لیے کوششیں تیز کرنے پر زور دیا۔ انہوں نے کہا کہ خطے میں جاری تنازعات کے سیاسی حل کے لیے مذاکرات جلد از جلد بحال کیے جانے چاہئیں۔چینی وزیر خارجہ نے پائیدار امن کے قیام کے لیے سفارتی کوششوں کی اہمیت پر بھی زور دیا۔
یو اے ای کے صدر کے خصوصی ایلچی خلدون خلیفہ المبارک نے کہا کہ ان کا ملک علاقائی امن اور استحکام کے فروغ کے لیے چین کے ساتھ تعاون بڑھانے کو تیار ہے۔ملاقات میں دونوں جانب سے مشرق وسطیٰ میں امن و استحکام کے لیے رابطوں اور تعاون کی اہمیت اجاگر ہوئی۔
About The Author
