جنوبی غزہ میں گزشتہ 24 گھنٹوں کے دوران 4 فلسطینی شہید اور 10 دیگر زخمی ہو گئے ہیں۔خان یونس کے مغرب میں المواسی، مشرقی دیر البلاح اور متعدد دیگر مقامات پر حملے جاری ہیں۔جنوبی غزہ میں ناصر میڈیکل کمپلیکس کے طبی حکام نے بتایا کہ خان یونس کے مغرب میں واقع المواسی پر اسرائیلی ڈرون حملے میں ایک شخص ہلاک اور ایک خاتون اور دو لڑکیوں سمیت پانچ دیگر زخمی ہو گئے. یہ علاقہ حالیہ دنوں میں بارہا حملوں کا مشاہدہ کر رہا ہے۔عینی شاہدین نے بتایا کہ ایک اسرائیلی ڈرون نے اسی علاقے میں ایک فلسطینی کی طرف کم از کم ایک میزائل فائر کیا جبکہ فوجی گاڑیوں نے شہر کے مشرق اور جنوب میں مقامات کی طرف شدید فائرنگ کی۔ایک الگ حملے میں، ایک فلسطینی شخص شہید اور چار دیگر زخمی ہوئے، جن میں سے ایک کی حالت نازک ہے. وسطی غزہ میں دیر البلاح کے مشرق میں اسرائیلی حملے میں ایک 40 سالہ شخص بھی ہلاک اور ایک فلسطینی معمولی زخمی ہوا، جب کہ عینی شاہدین نے بتایا کہ اسی علاقے میں المصدر گاؤں کے مشرق میں ایک اسرائیلی کواڈ کاپٹر نے فلسطینیوں کے ایک اجتماع پر بم گرایاہے۔