46 ویں پاک آرمی رائفل ایسوسی ایشن (پارا) سینٹرل میٹ کی اختتامی تقریب "آرمی مارکس مین شپ یونٹ (اے ایم یو) جہلم” میں منعقد ہوئی جس میں فیلڈ مارشل سید عاصم منیر بطور مہمان خصوصی شریک تھے۔
میگا شوٹنگ مقابلہ جات 7 اکتوبر سے 11 نومبر 2026 تک جاری رہے۔ تقریب میں چیف آف دی نیول اسٹاف ایڈمرل نوید اشرف بھی بطور مہمانِ اعزازی شریک ہوئے۔اس موقع پرآرمی چیف اور نیول چیف نے نمایاں کارکردگی دکھانے والے کھلاڑیوں میں ٹرافیاں اور تمغے تقسیم کیے۔
مقابلے میں پاک فوج، بحریہ، فضائیہ اور سول مسلح افواج کے 1500 سے زائد نشانہ بازوں نے شرکت کی۔
مقابلوں میں رینجرز، جی بی اسکاؤٹس، صوبائی وفود، فیڈرل رائفل ایسوسی ایشن اور شہریوں نے بھی حصہ لیا۔
تقریب میں چوتھی انٹر سروسز کامبیٹ شوٹنگ چیمپئن شپ کی ٹرافی پاک فوج نے اپنے نام کر لی۔
