کُلگام چیک پوسٹ پر فائرنگ کے واقعے کے بعد پاکستان پر الزام لگانے کی بھارتی روش ایک بار پھر سامنے آ گئی ہے۔اپنی سیکیورٹی کی ناکامیوں کو چھپانے کے لیے پاکستان کو موردِ الزام ٹھہرانا بھارت کا پرانا طریقہ واردات بن چکا ہے۔
حیران کن بات یہ ہے کہ تحقیقات مکمل ہونے، سی سی ٹی وی فوٹیج کا جائزہ لینے اور حقائق سامنے آنے سے پہلے ہی بھارت کے ریٹائرڈ جرنیلوں اور میڈیا چینلز نے پاکستان کے خلاف الزامات کی مہم شروع کر دی ہے جبکہ ان الزامات کے حق میں کوئی مستند سرکاری ثبوت بھی پیش نہیں کیا گیا۔
ایک اہم دورے کے دوران سیکیورٹی انتظامات میں ممکنہ خامیوں سے توجہ ہٹانے کے لیے اس واقعے کو پاکستانی سازش قرار دینے کی جلد بازی بھارت کی اپنی ناکامی سے توجہ ہٹانے کی ناکام کوشش ہے۔
مودی کا ایک اور مبینہ فالس فلیگ ڈرامہ،دراصل اندرونی بحران سے توجہ ہٹانے کی کوشش ہے
بھارت میں کاکروچز کے معاملے، کانگریس کے احتجاج اور چیف الیکشن کمشنر سے استعفے کے مطالبات نے مودی حکومت کو دباؤ میں ڈال رکھا ہے۔ ایسے میں ایک بار پھر فالس فلیگ کارروائی کے ذریعے عوام کی توجہ اندرونی مسائل سے ہٹانے کی کوشش کی جا رہی ہے۔
آپریشن سندور میں سبکی کے بعد بھارت ایک بار پھر اپنے ناکام بیانیے پر واپس آ گیا ہے یعنی ’’آپریشن الزام پاکستان‘‘!۔
اپنی ناکامیوں اور سیکیورٹی کی خامیوں کا اعتراف کرنے کے بجائے بھارت ایک بار پھر پاکستان پر الزامات لگانے کی پرانی روش اپنا رہا ہے۔
