اینکر پرسن ربیعہ احسن قتل کیس میں گرفتار ان کے شوہر کا مزید بیان سامنے آگیاہے۔پولیس ذرائع کے مطابق ملزم احسن نے آلہ قتل اور وقوعہ کی ابتدائی تفصیلات بتادی ہیں۔
ملزم احسن نے 6 ماہ قبل غیر قانونی پسٹل اپنے ایک دوست سے حاصل کیا تھا۔
ملزم نے مزید بتایاکہ الماری سے کپڑے نکالتے ہوئے پسٹل ہاتھ آیا، جس میں میگزین موجود نہیں تھا۔
میگزین نہ ہونے پرمیں سمجھا کہ پسٹل میں گولی موجود نہیں۔
پسٹل اور لوڈڈ میگزین دونوں کو 6 ماہ قبل الگ الگ جگہوں پر رکھا تھا اورمیگزین نکالتے وقت ممکنہ طور پر ایک گولی پسٹل کے چیمبر میں رہ گئی تھی۔
ملزم نے بتایاکہ گولی لگنے سے ربیعہ زمین پر گر گئیں اور خون میں لت پت ہوگئیں۔
ربیعہ کی جانب پسٹل تان کر مذاق میں ٹریگر دبایا تو فائر ہوگیا۔گولی ربیعہ کی گردن کی بڑی خون کی نالی میں لگی۔
