پاکستان کی وزارت خارجہ نے حالیہ کشتی کے المناک حادثے میں بچائے گئے 47 پاکستانی شہریوں کے نام جاری کر دیے ہیں۔ یہ نام ایتھنز میں پاکستانی سفارت خانے کی تصدیق اور یونانی حکام کی معلومات کی بنیاد پر مرتب کیے گئے ہیں۔ یہ کشتی حادثہ بحیرہ روم میں تارکین وطن کی ایک کشتی کے ڈوبنے کے بعد پیش آیا تھا، جس میں کئی افراد جاں بحق ہو گئے تھے اور کچھ کو بچا لیا گیا تھا۔
یونان کے ساحل کے قریب ہونے والے اس سانحے میں بچائے جانے والے پاکستانیوں کی فہرست میں درج ناموں کی تصدیق کے بعد وزارت خارجہ نے یہ تفصیل جاری کی۔ اس واقعے میں بچائے گئے افراد میں عمر فاروق،محمد احمد شہزاد،محسن ریاض، طلحہ, یوسف احمد,علی رضا,احمد علی,شہزاد احمد,فیصل احمد,حسن اکرم,محمد اسحاق,حسان فاروق,کامران عباس,بشیر احمد,حسن علی,عثمان شریف،محمد علی,اسفند یار,شاکر حسین,ندیم احمد,عابد حسین,پرویز احمد,طارق محمود,سرفراز احمد,انور محمود، عامر خان,بشارت حسین,منیر احمد,سلیم خان,رشید احمد,زبیر خان,اشرف محمود,ندیم یوسف,عمران احمد,عباس علی,نادر حسین,سلطان احمد,سلیم احمد,وسیم احمد,اسلم خان,تنویر احمد,شعیب احمد,اسد احمد,جمیل احمد,فیصل خان,محمود علی اور عبدالرحمن خان شامل ہیں
یہ سانحہ اس بات کا غماز ہے کہ بحیرہ روم کو عبور کرنے والے تارکین وطن کو جو خطرات درپیش ہیں، وہ نہ صرف زندگیوں کے ضیاع کا باعث بن رہے ہیں بلکہ عالمی سطح پر تارکین وطن کی حفاظت اور ان کے حقوق کے بارے میں اہم سوالات بھی اٹھا رہے ہیں۔
پاکستانی اور یونانی حکام کی مشترکہ کوششوں کے تحت، اس سانحے کے بعد بچ جانے والے افراد کی فوری مدد کی گئی، اور ان کے لیے ضروری امدادی کارروائیاں کی گئیں۔ پاکستانی سفارت خانے نے اس موقع پر اپنی بھرپور حمایت کا اظہار کیا اور یونانی حکام کی جانب سے مدد کے عمل میں مکمل تعاون فراہم کیا۔
یونان کے ساحلی علاقے میں جاری امدادی کارروائیوں کو مربوط کرنے میں پاکستانی سفارت خانے کا کردار اہم رہا ہے۔ وزارت خارجہ نے اس واقعے کے بعد پاکستانی شہریوں کی حفاظت کے لیے مزید اقدامات اٹھانے کا عہد کیا ہے۔
