گوجرانوالا: یونان کشتی حادثے کا مرکزی ملزم عثمان ججہ فرار ہوگیا ہے۔
ملزم کسی اور مقدمے میں سیالکوٹ پولیس کی حراست میں تھا، ضمانت ملنے پر روپوش ہوگیا۔
ایف آئی اے کا کہنا ہےکہ انہوں نے سیالکوٹ پولیس سے کہا تھا کہ ضمانت ہونے پر اسے گرفتار کرکے ایف آئی اے کے حوالے کیا جائے۔
سیالکوٹ پولیس کا کہنا ہےکہ انہیں زبانی آگاہ کیا گیا تھا، تحریری طور پر نہیں اس لیے اسےگرفتار نہیں کیا گیا۔
ایف آئی اے حکام کے مطابق عثمان ججہ کے خلاف کشتی حادثےکا مقدمہ 17دسمبر کو درج کیا گیا تھا، مقدمے میں عثمان ججہ کی بیوی کو بھی نامزد کیا گیا تھا، معاملے پر ڈی پی او سیالکوٹ سے بات کی ہے۔
خیال رہے کہ چند روز قبل یونان کےجزیرہ کریٹ کے جنوب میں کشتیاں الٹنےکا واقعہ پیش آیا تھا۔
گزشتہ روز یونانی کوسٹ گارڈز نے سمندر میں ریسکیو آپریشن ختم کردیا تھااور کہا تھا کہ لاپتا افراد کو مردہ تصورکیا جائے، جس کے بعد حادثے میں جاں بحق پاکستانیوں کی مجموعی تعداد 40 تک پہنچ گئی۔
