حکومت کی معاشی پالیسیوں کے مثبت نتائج۔۔۔ ملک میں مہنگائی 81 ماہ کی کم ترین سطح پر آ گئی۔۔۔ دسمبر میں مہنگائی میں 4.1 فیصد کا اضافہ ہوا۔۔۔ ایک سال پہلے مہنگائی 29.7 فیصد کی سطح پر تھی۔۔۔ ادارہ شماریات نے اعداد و شمار جاری کر دیئے۔۔۔۔
رواں مالی سال کے چھ ماہ میں افراط زر کی اوسطً شرح 7.2 فیصد رہی۔۔۔ شہروں میں مہنگائی 4.4 جبکہ دیہی علاقوں میں 3.6 فیصد پر آ گئی۔۔۔ حساس قیمتوں کے اشاریئے 4.2 فیصد بڑھ گئے۔۔۔ ہول سیل پرائس انڈیکس میں 1.9 فیصد اضافہ ہوا۔۔۔
سالانہ بنیادوں پر کھانے پینے کی اشیا کی قیمتوں میں چار فیصد اضافہ ریکارڈ کیا گیا۔۔۔ جلد خراب ہونے والی اشیا کی قیمتیں 10.6 فیصد بڑھ گئیں۔۔۔ ایک سال میں صحت پر ہونے والے اخراجات 13 فیصد بڑھ گئے۔۔۔ تعلیم 10 فیصد مہنگی ہو گئی۔۔۔
تفریحی سرگرمیوں پر ہونے والے اخراجات میں 8 فیصد اضافہ ہوا۔۔۔ ملبوسات اور جوتوں کی قیمتیں 14 فیصد بڑھ گئیں۔۔۔ گھروں کے کرائے، تعمیراتی اخراجات، بجلی، پانی اور گیس چار فیصد مہنگی ہوئی۔۔۔
