پاک فوج کے سربراہ جنرل عاصم منیر کا دورہ بلوچستان۔۔۔۔ آرمی چیف کو بلوچستان میں حالیہ سیکیورٹی صورتحال پر جامع بریفنگ دی گئی….
پاک فوج کے شعبہ تعلقات عامہ آئی ایس پی آر کے مطابق بریفنگ میں سینئر سیکیورٹی اور انٹیلی جنس حکام نے بھی شرکت کی۔۔
آرمی چیف نے کہا بیرونی آقاؤں کے ایما پر دہشت گرد پاکستان میں دہشت گردی پھیلانا چاہتے ہیں۔۔۔ کچھ لوگوں نے مارو اور بھاگو کی مہارت حاصل کی ہے لیکن وہ یہ نہیں جانتے کہ ان کے شکار کے لئے پاکستان ہر وقت تیار اور ہمہ وقت چوکنا ہے۔۔
پاکستانی عوام پاک فوج کے ساتھ شانہ بشانہ کھڑی ہے اور دہشت گردی کو جڑوں سے اکھاڑ پھینکنے کے لئے پرعزم ہے۔۔
آرمی چیف نے کہا غیرملکی آقاؤں کے آلہ کار جو دہشتگردی میں ملوث ہیں ہم ان سےآگاہ ہیں۔۔ یہ عناصرمنافقت کادہرامعیاراپناکر درپردہ دوسری طرف سےکھیل رہےہیں۔۔۔دوست نما دشمن کچھ بھی کرلیں انہیں قوم کے تعاون سے شکست ہوگی
جنرل عاصم منیر نے کہا مادر وطن اورعوام کےدفاع کیلئےہم یقیناً دہشتگردوں کا سراغ لگا کر انہیں انجام تک پہنچائیں گے۔۔ جب بھی جہاں بھی ضرورت پڑی دشمنوں کا قلع قمع کرنے کیلئے لازمی کارروائی کریں گے،۔۔۔
آرمی چیف نےفوج،ایف سی اورقانون نافذکرنیوالےاداروں کی کاوشوں کوسراہتے ہوئے کہا بلوچستان کےعوام کی فلاح وبہبوداور سیکیورٹی اولین ترجیح ہے۔۔۔پاک فوج بلوچستان میں امن اورترقی کیلئےصوبائی حکومت کی مکمل حمایت جاری رکھےگی۔۔۔
آرمی چیف، گورنر اور وزیراعلیٰ بلوچستان نے شہداء کی نماز جنازہ میں شرکت کی۔۔۔
آرمی چیف نے کمبائنڈ ملٹری ہسپتال کوئٹہ میں زخمی فوجیوں کی عیادت بھی کی۔۔۔
عسکری و قومی قیادت نے ہر قیمت پر ملک کے دفاع کے لیے سیکیورٹی فورسز کے غیر متزلزل عزم کو سراہا۔
