امریکا کی آٹھ ریاستوں نے اوپن اے آئی کے خلاف مختلف عدالتوں میں مقدمات دائر کر دیے ہیں۔ ان مقدمات میں الزام عائد کیا گیا ہے کہ کمپنی کے مصنوعی ذہانت پر مبنی چیٹ بوٹ چیٹ جی پی ٹی سے بچوں کو نقصان پہنچا ہے۔
خبر رساں ایجنسی کے مطابق آئیووا، کنساس اور امریکا کی چھ دیگر ریاستوں نے اوپن اے آئی کے خلاف قانونی کارروائی شروع کی ہے۔
مقدمات میں الزام لگایا گیا ہے کہ چیٹ جی پی ٹی نے بچوں کو خود کو یا دوسروں کو نقصان پہنچانے کے طریقے بتائے۔ ان الزامات کی بنیاد پر کمپنی کے خلاف مختلف عدالتوں میں مقدمات دائر کیے گئے ہیں۔
یہ مقدمات مصنوعی ذہانت کے چیٹ بوٹس کے بچوں پر ممکنہ اثرات اور ان کے تحفظ سے متعلق خدشات کو اجاگر کرتے ہیں۔
