لاہور پریس کلب کے زیر اہتمام معروف سنگر ارشد محمود کے اعزاز میں ایک تقریب کا انعقاد کیا گیا۔
تقریب کی صدارت معروف فلم ڈائریکٹر سید نور نے کی۔ فلم رائٹر پرویز کلیم، نغمہ نگار سلیم احمد سلیم نغمہ نگار نعیم وزیر ، سینئر شوبز صحافی سید ساجد یزدانی، ٹھاکر لاہوری اور پریس کلب کے جوائنٹ سیکرٹری عمران شیخ نے اظہار خیال کرتے ہوئے ارشد محمود کی فنی خدمات کو زبردست خراج تحسین پیش کیا۔
ارشد محمود نے کہا کہ میں آج جس مقام پر ہوں اس کا کریڈٹ سید نور کو جاتا ہے۔
ارشد محمود نے حاصرین کے اصرار پر اپنا شہرہ آفاق گیت ہو سکے تو میرا ایک کام کرو، بھی سنایا۔ گلوکار استاد سجاد بری ، محمد سجاد نے ارشد محمود کے گیت سنا کر جبکہ شاعر رانا لیاقت نے منظوم خراج عقیدت پیش کیا۔ جوائنٹ سیکرٹری لاہور پریس کلب اور کمیشن برائے تحفظ صحافی و میڈیا پروفیشنلز کی پنجاب سے ممبر تمثیلہ چشتی،اور ساجد یزدانی نے ارشد محمود کو پریس کلب کی جانب سے یادگاری شیلڈ پیش کی۔
عمران شیخ نے ارشد محمود کے لیے پریس کلب کی اعزازی ممبر شپ کا بھی اعلان کیا۔
