ڈھاکا: بنگلہ دیش کے آرمی چیف جنرل وقار الزماں نے ملک میں جاری سیاسی بے چینی اور امن و امان کی بگڑتی صورتحال پر تشویش کا اظہار کرتے ہوئے زور دیا ہے کہ آئندہ عام انتخابات رواں سال دسمبر میں منعقد کیے جائیں۔
انہوں نے خبردار کیا کہ اگر سیاسی جماعتیں باہمی اختلافات ختم نہیں کرتیں تو ملک کی آزادی اور سالمیت خطرے میں پڑ سکتی ہے۔
جنرل زمان نے ایک تقریب سے خطاب میں کہا کہ ہمیں تمام اختلافات اور منفی سوچوں کو بھلا کر قومی یکجہتی کے لیے کام کرنا ہوگا۔
