بھارتی عوام کی مودی حکومت پر شدید تنقید

نئی دہلی: بھارتی عوام میں اپنی حکومت اور خصوصاً وزیر اعظم نریندر مودی کے خلاف شدید غم و غصہ پایا جا رہا ہے۔ عوام کی جانب سے سوالات اٹھائے جا رہے ہیں کہ بھاری فوج کی موجودگی میں دہشت گرد کارروائی کر کے چلے گئے، وہ اب تک کیوں نہیں پکڑے گئے؟

امریکی صدر ڈونلڈ ٹرمپ کے کہنے پر جنگ بندی کے فیصلے پر بھی عوام نے سخت اعتراضات اٹھائے ہیں اور پوچھا ہے کہ ٹرمپ کے کہنے پر سیز فائر کیوں کیاگیا؟ آپ کس بات کے وزیراعظم ہیں؟

پہلگام میں ہونے والے حملے کے بعد وزیر اعظم مودی کے دورہ نہ کرنے پر بھی عوام کی جانب سے تنقید کی جا رہی ہے اور کہا جا رہا ہے کہ حملے کے بعد آپ پہلگام کیوں نہیں گئے؟ مودی لوگوں کو گمراہ کر رہے ہیں۔

عوام کا کہنا ہے کہ صرف گودی میڈیا ہی مودی کے گن گا رہا ہے، اصلیت عوام سے پوچھیں۔ اس بات پر بھی شدید غم و غصہ پایا جا رہا ہے کہ پہلگام متاثرین کی دادرسی کے بجائے مودی بہار میں الیکشن کمپین چلا رہے ہیں۔
یہ بیانات بھارتی عوام کے بڑھتے ہوئے عدم اطمینان کی عکاسی کرتے ہیں-