Lebanon میں اسرائیلی فوج کی کارروائی کے نتیجے میں صحافی Amal Khalil شہید جبکہ Zainab Faraj زخمی ہو گئیں۔ لبنانی وزارتِ صحت کے مطابق اسرائیلی فورسز نے جنوبی قصبے Al-Tiri میں صحافیوں کا تعاقب کرتے ہوئے انہیں نشانہ بنایا۔
رپورٹس کے مطابق امل خلیل اور زینب فرج پہلے حملے کے بعد ایک گھر میں پناہ لیے ہوئے تھیں، تاہم اسرائیلی فوج نے انہیں وہیں نشانہ بنایا۔ واقعے میں دو دیگر افراد بھی شہید ہوئے، جن کی لاشیں بعد ازاں اسپتال منتقل کر دی گئیں۔
امدادی کارروائیوں کے دوران Lebanese Red Cross کی ٹیمیں جب موقع پر پہنچیں تو ان پر بھی حملہ کیا گیا۔ ذرائع کے مطابق ایمبولینس پر اسٹن گرنیڈ پھینکا گیا اور فائرنگ بھی کی گئی، جس کے باعث امدادی سرگرمیاں متاثر ہوئیں۔
شدید فائرنگ کے باعث امدادی ٹیمیں کافی دیر تک جائے وقوعہ تک نہیں پہنچ سکیں، تاہم بعد ازاں لبنانی فوج نے ملبے کے نیچے سے امل خلیل کی لاش برآمد کر لی۔
لبنانی حکام نے اس کارروائی کی سخت مذمت کرتے ہوئے اسے غیر انسانی اور ناقابلِ قبول قرار دیا ہے۔ تجزیہ کاروں کے مطابق اس واقعے سے خطے میں پہلے سے موجود کشیدگی میں مزید اضافہ ہو سکتا ہے، جبکہ صحافیوں کے تحفظ سے متعلق بھی سنگین سوالات اٹھ گئے ہیں۔
About The Author
