بھارت کی شکست کا ایک سال مکمل، معرکہ حق کی مناسبت سے تقریب کا پرومو جاری

’’تو یاد رکھیں‘‘ کے عنوان سے جاری کئے گئے ولولہ انگیز پرومو میں معرکۂ حق کی کامیابیوں کو اجاگر کرتے ہوئے قومی جذبے کو گرمایا گیا ہے، پرومو 10 مئی کو پاکستان مونومنٹ میں منعقد ہونے والی قومی بنیان المرصوص تقریب کے تناظر میں جاری کیا گیا ہے۔

پرومو میں کہا گیا ہے کہ معرکۂ حق میں ہماری بہادر مسلح افواج نے ثابت کیا کہ پاکستان کی سرحدیں ایک فولادی دیوار ہیں جسے گرانا ناممکن ہے۔

اس میں مزید کہا گیا ہے کہ پاکستان کے دفاعی اداروں نے بھارت کو منہ توڑ جواب دے کر واضح کر دیا کہ یہ قوم اپنے امن پر کبھی سمجھوتہ نہیں کرے گی، معرکۂ حق کی عظیم فتح نے دفاعِ وطن کی داستانِ شجاعت میں ایک اور سنہری باب رقم کر دیا ہے۔