چھوٹے، درمیانے درجے کی صنعت معاشی ترقی،برآمدات بڑھانےکی استعداد رکھتی ہے: وزیراعظم -

وزیر اعظم شہباز شریف نے کہا ہے چھوٹے اور درمیانے درجے کی صنعتیں معاشی ترقی برآمدات بڑھانے کی رکھتی ہیں ، وزیراعظم نے سمیڈا اور وزارت صنعت کی جانب سے تیار کردہ روڈ میپ اطمینان بخش بھی قرار دیا ہے، معینہ مدت میں قابل حصول اہداف کے ساتھ اطلاق کا لائحہ عمل طلب بھی کرلیا ۔

اسلام آباد میں وزیرِاعظم کی زیر صدارت چھوٹے اور درمیانے درجے کی صنعت کی ترقی پر جائزہ اجلاس میں سمیڈا نے وزیراعظم کی ہدایات پر عملدرآمد پر پیش رفت سے آگاہ کیا ۔ وزیراعظم شہباز شریف نے چھوٹے اور درمیانے درجے کی صنعتوں کو آسان قرض کی فراہمی کیلئے اقدامات کی ہدایت کی اورکہا زراعت میں پراسیسنگ کے شعبوں کو چھوٹے اور درمیانے درجے کی صنعتوں کا درجہ دیا جائے ۔ چھوٹے اور درمیانے درجے کی صنعتوں میں خواتین کی شمولیت کیلئے اقدامات کو خوش آئند قرار دیتے ہوئے وزیراعظم نے خواتین کی آسان قرضوں تک رسائی اور مصنوعات کی برآمدات میں معاونت کیلئے اقدامات کمزید مؤثر بنانے کی ہدایت کی ۔