پاکستان ہاکی فیڈریشن نے FIH Pro League میں شرکت کے لیے بیلجیم اور انگلینڈ کے خلاف 20 رکنی قومی ہاکی سکواڈ کا اعلان کر دیا ہے۔
اعلان کردہ سکواڈ میں دو گول کیپرز وقار اور علی رضا کو شامل کیا گیا ہے جبکہ دیگر کھلاڑیوں میں ابو بکر، ارباز احمد، محمد عبداللہ، سفیان خان، ندیم خان، عماد شکیل بٹ، معین شکیل، حماد انجم اور زکریا حیات شامل ہیں۔
اس کے علاوہ غضنفر علی، محمد عماد، رانا ولید، عبدالرحمٰن، افراز خان، رانا وحید، احمد ندیم، ارشد لیاقت اور حنان شاہد بھی قومی ٹیم کا حصہ ہوں گے۔
پی ایچ ایف کے مطابق کھلاڑیوں کے انتخاب کا عمل 19 اور 20 مئی کو ہونے والے ٹرائلز کے بعد مکمل شفافیت کے ساتھ مکمل کیا گیا۔
فیڈریشن نے مزید بتایا کہ وزیراعظم کی ہدایت پر قومی کھلاڑیوں کو روزانہ 110 ڈالر الاؤنس پیشگی ادا کیا جائے گا جبکہ بیلجیم اور انگلینڈ میں موجود پاکستانی سفارت خانوں کو بھی ٹیم کو ہر ممکن سہولت فراہم کرنے کی ہدایات جاری کر دی گئی ہیں۔
قومی ہاکی ٹیم 8 جون کو بیلجیم روانہ ہوگی جبکہ شیڈول کے مطابق پاکستان 13 سے 20 جون تک بیلجیم اور اسپین کے خلاف میچز کھیلے گا۔
بعد ازاں پاکستانی ٹیم 23 سے 27 جون کے دوران انگلینڈ اور بھارت کے خلاف میدان میں اترے گی۔ پی ایچ ایف کے مطابق قومی ٹیم کی اگست میں بیلجیم اور نیدرلینڈز میں مزید بین الاقوامی مصروفیات بھی شیڈول ہیں۔
About The Author
