اے این ایف کے مطابق باچا خان انٹرنیشنل ایئرپورٹ پر جدہ جانے والے ایک مسافر کے جوتوں سے 970 گرام آئس برآمد کی گئی، جس پر ملزم کو موقع پر گرفتار کر لیا گیا۔
دوسری کارروائی میں علامہ اقبال انٹرنیشنل ایئرپورٹ پر بحرین جانے والی ایک خاتون کے پیٹ سے 210 گرام وزنی 30 آئس بھرے کیپسولز برآمد ہوئے، جس کے بعد خاتون کو حراست میں لے لیا گیا۔
لاہور کے علاقے اپر مال میں واقع ایک کوریئر آفس میں کویت بھیجے جانے والے پارسل کی تلاشی کے دوران سنوکر ٹیبل کے اندر چھپائی گئی 2.520 کلوگرام آئس برآمد کر لی گئی۔
ادھر بلوچستان کے علاقے بالیلی، ضلع کوئٹہ کے قریب ایک گاڑی سے 84 کلوگرام چرس برآمد ہوئی، جبکہ کارروائی کے دوران ایک ملزم کو گرفتار کر لیا گیا۔
ایک اور کارروائی میں مری روڈ اسلام آباد کے قریب ایک گاڑی سے 12 کلوگرام چرس برآمد کی گئی اور دو ملزمان کو گرفتار کر لیا گیا۔
اے این ایف حکام کے مطابق گرفتار ملزمان کے خلاف انسدادِ منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔
About The Author
