شہزادی باجراکتیا نارندرا دیبیواتی جو تھائی لینڈ کے شاہی خاندان کی نمایاں شخصیت اور اصلاحاتی سرگرمیوں کے لیے جانی جاتی تھیں، 47 سال کی عمر میں انتقال کر گئی ہیں۔
شاہی محل کے بیورو کی جانب سے جاری بیان کے مطابق شہزادی کا انتقال جمعرات کی شب King Chulalongkorn Memorial Hospital میں ہوا، جہاں وہ گزشتہ کئی برسوں سے زیر علاج تھیں۔ شاہی حکام نے بتایا کہ شہزادی 2022 سے مسلسل طبی نگرانی میں تھیں اور حالیہ عرصے میں ان کی صحت مزید خراب ہو گئی تھی۔
رپورٹس کے مطابق شہزادی باجراکتیا کو پیٹ کے شدید انفیکشن اور دیگر طبی پیچیدگیوں کا سامنا تھا۔ ماہر ڈاکٹروں کی ٹیم نے ان کی صحت بحال کرنے کے لیے بھرپور کوششیں کیں، تاہم وہ جانبر نہ ہو سکیں۔
شہزادی باجراکتیا، Maha Vajiralongkorn کی بڑی بیٹی تھیں اور انہیں تھائی شاہی خاندان کی بااثر شخصیات میں شمار کیا جاتا تھا۔ وہ سماجی بہبود، خواتین کے حقوق اور جیل اصلاحات سے متعلق منصوبوں میں فعال کردار ادا کرتی رہی تھیں، جس کی وجہ سے انہیں ملکی اور بین الاقوامی سطح پر بھی احترام کی نگاہ سے دیکھا جاتا تھا۔
About The Author
