وزیراعظم شہبازشریف کا کہنا ہے کہ امریکی صدر ڈونلڈ ٹرمپ امن پسند شخصیت ہیں جبکہ ایران کی قیادت خطے میں امن کیلئے مخلص ہے۔
برگن اسٹاک میں میڈیا سے گفتگو میں وزیراعظم نے کہا کہ امریکی صدر نے پاک بھارت جنگ بندی میں اہم کردار اداکیا تھا۔ دونوں ممالک ایٹمی تصادم کے بہت قریب پہنچ چکے تھے، امریکی صدر کی متحرک،جرات مندانہ قیادت نے نازک وقت میں مؤثر مداخلت کی۔
شہبازشریف نے کہا کہ صدرٹرمپ نے کروڑوں انسانوں کی زندگیاں بچانےمیں اہم کردار اداکیا۔ تنازع کونہ روکاجاتاتوایٹمی جنگ کے نتیجے میں بےشمار جانیں ضائع ہوسکتی تھیں۔
انکا مزید کہنا تھا کہ پاکستان اور امریکا کے درمیان دیرینہ تعلقات ہیں، پاکستان کےساتھ وابستگی پر صدر ٹرمپ کا مشکورہوں، پاکستان اور امریکا کے تعلقات وقت کے ساتھ مزیدمضبوط اور گہرے ہوئے ہیں۔
قبل ازیں پاکستان کے وزیرِ اعظم شہباز شریف نے مذاکراتی عمل کے آغاز سے قبل گفتگو میں کہا کہ یہ عالمی امن کیلئے اہم موقع ہے، اس وقت ہم عالمی امن کیلئےیہاں جمع ہوئے ہیں، امید ہے ہماری گفتگو کے بہت مثبت نتائج سامنے آئیں گے۔
شہباز شریف کا کہنا تھا کہ میں اُمید کرتا ہوں کہ جب ہم واپس جائیں تو ہمارے پاس ایک معاہدے کی زبردست دستاویز ہو۔ امریکی صدر ڈونلڈ ٹرمپ کی تعریف کرتے ہوئے کہا کہ اُن کی مدبرانہ قیادت کی وجہ سے مذاکرات ممکن ہوئے۔
About The Author
