ایرانی اہلکار کی ٹرمپ کو دھمکی، ’ہرمز کے بارے میں بڑبڑانا بند کریں، ورنہ فوڈ ٹرک میں چھپنا پڑے گا‘ -

ایرانی پارلیمنٹ کے ایک سینئر رکن نے امریکی صدر ڈونلڈ ٹرمپ کو آبنائے ہرمز سے متعلق بیانات پر سخت انتباہ دیا ہے۔ایرانی پارلیمنٹ کی قومی سلامتی کمیٹی کے سربراہ ابراہیم عزیزی نے ٹرمپ کے حالیہ بیان پر ردعمل دیا۔انہوں نے سوشل میڈیا پلیٹ فارم ایکس پر ٹرمپ کو اپنی سکیورٹی کی فکر کرنے کا مشورہ دیا۔

ابراہیم عزیزی نے کہا کہ امریکی صدر کو آبنائے ہرمز کے بارے میں مسلسل بیان بازی کے بجائے اپنی حفاظت پر توجہ دینی چاہیے۔انہوں نے طنزیہ انداز میں کہا کہ ٹرمپ کو اس سے پہلے اپنی سکیورٹی کی فکر کرنی چاہیے کہ انہیں کسی ’’فوڈ ٹرک‘‘ میں چھپنا پڑے۔یہ بیان ایران اور امریکا کے درمیان بڑھتی کشیدگی کے دوران سامنے آیا ہے۔

ڈونلڈ ٹرمپ نے جمعہ کو کہا تھا کہ امریکا جلد آبنائے ہرمز کو امریکی علاقہ قرار دے گا۔ٹرمپ نے اس سے قبل ایران کے خلاف سخت بیانات بھی دیے ہیں۔ان کے بیانات نے پہلے ہی اہم آبی گزرگاہ کے مستقبل پر عالمی تشویش بڑھا دی ہے۔آبنائے ہرمز عالمی توانائی کی ترسیل کے لیے انتہائی اہم راستہ ہے۔

ٹرمپ نے منگل کو ایک سکیورٹی واقعے کی تصدیق بھی کی تھی۔رپورٹس کے مطابق جولائی میں انقرہ کے ایئر بیس ون سے انہیں ایک طیارے سے دوسرے طیارے تک منتقل کیا گیا۔ٹرمپ کے مطابق سیکرٹ سروس اور امریکی فوج نے انہیں طیارے تبدیل کرنے کا مشورہ دیا تھا۔اس واقعے کا حوالہ دیتے ہوئے ابراہیم عزیزی نے اپنے بیان میں فوڈ ٹرک کا ذکر کیا۔