ٹرمپ کی غزہ کو "فریڈم زون” بنانے کی تجویز، اسرائیلی بمباری سے 2 روز میں 80 سے زائد فلسطینی شہید
امریکی صدر ڈونلڈ ٹرمپ نے مشرق وسطیٰ میں جاری بحران کے دوران غزہ کو بین الاقوامی حمایت یافتہ "فریڈم زون” میں تبدیل کرنے کی تجویز پیش کی ہے، جبکہ اسرائیلی فضائی حملوں کے تازہ سلسلے میں صرف دو روز میں 83 فلسطینی شہید اور درجنوں زخمی ہو چکے ہیں۔
اسرائیلی دفاعی افواج نے مسلسل دوسری رات بھی غزہ کے مختلف علاقوں کو شدید بمباری کا نشانہ بنایا، جس میں رہائشی عمارتیں، اسکول اور شہری انفرااسٹرکچر تباہ ہو گئے۔ اسرائیل کا مؤقف ہے کہ یہ حملے حماس اور دیگر مزاحمتی گروپوں کی جانب سے داغے گئے راکٹوں کے ردعمل میں کیے جا رہے ہیں۔
قطر کے دارالحکومت دوحہ میں ایک غیر رسمی ملاقات کے دوران گفتگو کرتے ہوئے، ٹرمپ نے غزہ میں ایک ایسا زون قائم کرنے کی تجویز دی جس میں بین الاقوامی اقتصادی معاونت، سیکورٹی تعاون اور سیاسی استحکام کو یقینی بنایا جائے۔
ذرائع کے مطابق، ٹرمپ اگر دوبارہ صدارت میں آتے ہیں تو وہ خود کو مشرق وسطیٰ میں امن عمل کے کلیدی ثالث کے طور پر پیش کرنے کا ارادہ رکھتے ہیں۔ تاہم ان کی اس تجویز کو تاحال کسی ملک یا بین الاقوامی ادارے کی جانب سے باقاعدہ حمایت حاصل نہیں ہوئی ہے۔
About The Author
