تہران – ایرانی حکام نے گزشتہ ماہ ملک میں ہونے والے فسادات میں مبینہ طور پر ملوث ہونے کے الزام میں چار غیر ملکی افراد کو گرفتار کر لیا ہے۔
ایران کے سرکاری ٹیلی وژن کے مطابق گرفتار افراد کی قومیت ظاہر نہیں کی گئی، تاہم انہیں تہران صوبے میں قائم ان کے ٹھکانوں پر چھاپوں کے دوران حراست میں لیا گیا۔
رپورٹ میں بتایا گیا ہے کہ تلاشی کے دوران ایک مشتبہ شخص کے بیگ سے چار دیسی ساختہ اسٹن گرنیڈز برآمد ہوئے، جنہیں مبینہ طور پر ہنگامہ آرائی اور امن و امان کی صورتحال خراب کرنے کے لیے استعمال کیا گیا تھا۔
ایرانی حکام کی جانب سے تاحال گرفتاریوں کی درست تاریخ، ملزمان کی شناخت یا مزید تفصیلات جاری نہیں کی گئیں۔
یہ گرفتاریاں ایسے وقت میں سامنے آئی ہیں جب ایران حالیہ ہفتوں کے دوران اندرونی سلامتی اور بیرونی مداخلت سے متعلق خدشات کا بار بار اظہار کر چکا ہے۔
About The Author
