ایران نے دعویٰ کیا ہے کہ متحدہ عرب امارات میں ایک کارروائی کے دوران 37 امریکی فوجیوں کو ہلاک کر دیا گیا ہے، جس سے خطے میں کشیدگی مزید بڑھ گئی ہے۔
ایرانی فوج کے ترجمان نے میڈیا کو جاری ویڈیو بیان میں کہا کہ پاسدارانِ انقلاب نے یو اے ای میں ایک خفیہ مقام کو نشانہ بنایا، جہاں امریکی فوجیوں کی اہم میٹنگ جاری تھی۔ ترجمان کے مطابق اس حملے میں 37 امریکی اہلکار ہلاک ہوئے۔
ایرانی بیان میں مزید دعویٰ کیا گیا کہ اسی کارروائی کے دوران خلیج فارس میں ایک اسرائیلی آئل ٹینکر “Aqua-1” کو بھی نشانہ بنایا گیا، جس کے نتیجے میں جہاز میں آگ بھڑک اٹھی۔
خلیج فارس میں پیش آنے والے اس واقعے کے بعد سمندری سیکیورٹی اور توانائی کی ترسیل سے متعلق خدشات میں اضافہ ہو گیا ہے، جبکہ بین الاقوامی سطح پر اس دعوے کی آزادانہ تصدیق تاحال سامنے نہیں آئی۔
ماہرین کا کہنا ہے کہ اگر یہ دعوے درست ثابت ہوتے ہیں تو اس سے مشرق وسطیٰ میں جاری کشیدگی ایک نئے مرحلے میں داخل ہو سکتی ہے، جہاں براہ راست تصادم کے خطرات مزید بڑھ جائیں گے۔
About The Author
