بیجنگ — چین کے صدر شی جن پنگ اور متحدہ عرب امارات کے ولی عہد شیخ خالد بن محمد بن زاید النہیان کے درمیان اہم ملاقات ہوئی، جس میں مشرقِ وسطیٰ کی موجودہ صورتحال اور علاقائی استحکام پر تبادلۂ خیال کیا گیا۔
چینی سرکاری میڈیا کے مطابق اس ملاقات کے دوران صدر شی جن پنگ نے خطے میں امن کے قیام کے لیے 4 نکاتی تجویز پیش کی۔
امن کے لیے چینی صدر کی تجاویز
چینی صدر نے زور دیا کہ:
- مشرقِ وسطیٰ اور خلیجی خطے میں مشترکہ اور جامع سیکیورٹی نظام قائم کیا جائے
- پُرامن بقائے باہمی کے اصولوں کو اپنایا جائے
- علاقائی ممالک کی خودمختاری، سلامتی اور علاقائی سالمیت کا مکمل احترام کیا جائے
- افراد، تنصیبات اور ریاستی اداروں کے تحفظ کو یقینی بنایا جائے
بین الاقوامی قانون پر زور
صدر شی جن پنگ نے کہا کہ دنیا کو “جنگل کے قانون” کی طرف واپس جانے سے روکنے کے لیے بین الاقوامی قانون کی بالادستی برقرار رکھنا ناگزیر ہے۔
ان کا مزید کہنا تھا کہ ترقی اور سیکیورٹی کو ایک ساتھ لے کر چلنا ہوگا تاکہ خطے میں پائیدار امن ممکن بنایا جا سکے۔
About The Author
