Cristiano Ronaldo کی شاندار کارکردگی کی بدولت Al Nassr FC نے سعودی پرو لیگ کے آخری مرحلے میں Damac FC کو 1-4 سے شکست دے کر لیگ ٹائٹل اپنے نام کر لیا۔
اس فتح کے ساتھ النصر نے مجموعی طور پر 86 پوائنٹس حاصل کیے اور اپنے روایتی حریف Al Hilal SFC کو دو پوائنٹس کے فرق سے پیچھے چھوڑ دیا۔
یہ النصر کا 2019 کے بعد پہلا Saudi Pro League ٹائٹل ہے جبکہ رونالڈو کے لیے بھی سعودی عرب میں یہ پہلی لیگ کامیابی ثابت ہوئی۔
میچ میں پہلا گول 34ویں منٹ میں Sadio Mane نے Joao Felix کے کارنر پر شاندار ہیڈر کے ذریعے اسکور کیا۔
دوسرے ہاف میں Kingsley Coman نے خوبصورت انفرادی کوشش کے بعد گیند جال میں پہنچا کر النصر کی برتری دگنی کر دی۔
داماک نے پنالٹی پر گول کرکے مقابلہ دلچسپ بنانے کی کوشش کی، تاہم اس کے فوراً بعد رونالڈو نے دلکش فری کک کے ذریعے اسکور کر کے میچ پر دوبارہ اپنی ٹیم کی گرفت مضبوط کر لی۔
81ویں منٹ میں رونالڈو نے ایک اور شاندار گول داغ کر النصر کی فتح اور لیگ ٹائٹل کو یقینی بنا دیا۔
میچ کے اختتام پر رونالڈو جذبات پر قابو نہ رکھ سکے اور خوشی سے آبدیدہ ہو گئے جبکہ اسٹیڈیم میں موجود شائقین نے اپنی ٹیم کی تاریخی کامیابی کا بھرپور جشن منایا۔
About The Author
