ایران کے وزیر خارجہ عباس عراقچی نے کہا ہے کہ تہران مذاکرات اور سفارتی معاملات میں اپنی پہلے سے اعلان کردہ سات شرائط پر قائم ہے۔ انہوں نے یہ بات پارلیمان کی قومی سلامتی اور خارجہ پالیسی کمیٹی کو بریفنگ دیتے ہوئے کہی۔
کمیٹی کے ترجمان حسن قشقاوی کے مطابق، عباس عراقچی نے ارکان کو حالیہ علاقائی اور سفارتی پیش رفت سے آگاہ کیا۔ اس دوران پاکستان، سعودی عرب اور ترکی کے وفود کے حالیہ دورۂ ایران پر بھی تبادلہ خیال ہوا۔
بریفنگ میں تینوں ممالک کے وفود کے ساتھ ہونے والی ملاقاتوں کا جائزہ لیا گیا۔ ان ملاقاتوں میں ایران کی سپریم نیشنل سکیورٹی کونسل کے سیکرٹری محسن رضائی بھی شریک تھے۔
اجلاس کے دوران رہبر اعلیٰ کی ہدایات پر بھی غور کیا گیا۔ ان ہدایات کا تعلق کسی بھی غیر معمولی صورتحال کے لیے تیاری سے تھا۔ مزید یہ کہ مسلح افواج کی مکمل تیاری اور دفاعی صلاحیت برقرار رکھنے پر خصوصی توجہ دی گئی۔
دوسری جانب، ایرانی صدر کے ٹیلیگرام اکاؤنٹ پر جاری بیان میں بھی سفارتی پیش رفت کی تفصیلات سامنے آئیں۔
