پاکستان کے سابق فاسٹ بولر محمد عامر نے افغانستان پریمیئر لیگ (اے پی ایل) کے لیے رجسٹریشن کروا لی ہے۔ وہ پلیئرز ڈرافٹ میں شرکت کے لیے دستیاب ہوں گے۔
ذرائع کے مطابق، محمد عامر نے برطانوی شہری کی حیثیت سے رجسٹریشن کرائی ہے۔ برطانوی پاسپورٹ حاصل کرنے کے بعد انہیں برطانوی شہریت مل چکی ہے۔
برطانوی شہریت کی وجہ سے محمد عامر کو افغانستان پریمیئر لیگ میں شرکت کے لیے پاکستان کرکٹ بورڈ (پی سی بی) کے این او سی کی ضرورت نہیں ہوگی۔
دوسری جانب، ذرائع کا کہنا ہے کہ پی سی بی نے پاکستانی کھلاڑیوں کو لیگ کے لیے این او سی جاری نہ کرنے کا فیصلہ کیا ہے۔
تاہم، اے پی ایل ڈرافٹ کے لیے پاکستان کے متعدد کھلاڑیوں نے رجسٹریشن کروائی ہے۔ ان کھلاڑیوں کی شرکت کا معاملہ این او سی سے مشروط ہوگا۔
افغانستان پریمیئر لیگ کا پلیئرز ڈرافٹ کل منعقد ہوگا۔ اس ڈرافٹ کے ذریعے مختلف ٹیمیں اپنے لیے کھلاڑیوں کا انتخاب کریں گی۔
