وزیراعظم شہبازشریف نے اسلام آباد میں ترکیہ کے یوم جمہوریہ کی 103ویں سالگرہ کی تقریب میں شرکت کی اور کہا کہ بھارتی جارحیت کےدوران ترکیہ کی حمایت اہل پاکستان کیلئےحوصلےکا باعث بنی۔
شہبازشریف نے پاکستان اور ترکیہ کی لازوال دوستی کو ناقابل تسخیر قرار دیتے ہوئے کہا معرکۂ حق کے دوران بھارتی جارحیت کے مقابلے میں ترکیہ کی غیرمتزلزل حمایت پاکستانی عوام کے لیے حوصلے اور تقویت کا باعث بنی، اس مخلصانہ یکجہتی کو ہمیشہ یاد رکھا جائے گا۔
شہباز شریف کا کہنا تھا پاکستان، ترکیہ اور سعودی عرب کے درمیان مکہ دفاعی معاہدہ باہمی تعاون میں اہم سنگِ میل ہے ۔ یہ اتحاد مشترکہ دفاعی صلاحیت اور علاقائی امن و استحکام کے عزم کو مضبوط بناتا ہے۔ اب وقت آ گیا ہے کہ پاک ترک اقتصادی شراکت داری کو سیاسی اور دفاعی تعلقات کی بلندیوں تک پہنچایا جائے۔ وزیراعظم نے ترک سرمایہ کاروں کو پاکستان میں سرمایہ کاری کی دعوت بھی دی۔
