گورنرخیبرپختونخواہ فیصل کریم کی زیرصدارت پولیس کے سیکیورٹی چیلنج الاؤنس سے متعلق اجلاس ہواجس میں گورنرکو پولیس پیکج میں اضافے کی تجاویز،سالانہ مالی اخراجات سے متعلق بریفنگ دی گئی۔
اجلاس میں خیبرپختونخواپولیس اوردیگر صوبوں کی پولیس کی تنخواہوں کا تقابلی جائزہ بھی لیا گیا۔
گورنر فیصل کریم نے کہاکہ پولیس اہلکاروں کی تنخواہوں میں اضافے کیلئے مجوزہ پیکج کی تیاری کا عمل تیزکیا جائے۔
سیکیورٹی چیلنجزسے متاثرہ اورحساس علاقوں کے پولیس اہلکاروں کومجوزہ پیکج میں ترجیح دی جائے۔
فیصل کریم کنڈی نےکہاکہ پولیس کودرپیش مسائل اوراہلکاروں کی فلاح وبہبود کیلئے عملی اقدامات اٹھارہے ہیں۔دہشتگردی کے خلاف جنگ میں خیبرپختونخواپولیس نے بے مثال قربانیاں دی ہیں۔
