نیپال اور عمان نے ٹی ٹوئنٹی ورلڈ کپ 2026 کیلئے کوالیفائی کرلیا۔
نیپال نے تیسری بار ٹی ٹوئنٹی ورلڈ کپ میں جگہ بنائی جبکہ عمان نے چوتھی بار ٹی ٹوئنٹی ورلڈ کپ کیلئے کوالیفائی کیا۔
قبل ازیں زمبابوے نے افریقا ریجن سے نمیبیا اور زمبابوے ٹی ٹوئنٹی ورلڈ کپ میں پہنچ گئے تھے۔ اس سے قبل آئی سی سی یورپ کوالیفائر میں اٹلی نے پہلی بار ٹی ٹوئنٹی ورلڈ کپ کے لیے کوالیفائی کرلیا تھا جبکہ نیدر لینڈز بھی یورپ سے کوالیفائی کرچکا ہے۔
امریکاز ریجنل کوالیفائر کے میزبان کینیڈا نے بہاماس کو صرف 57 رنز سے ہراکر آئی سی سی مینز ٹی 20 ورلڈ کپ 2026 کیلئے کوالیفائی کر لیا تھا۔
آئی سی سی کے مطابق اگلے سال ہونے والے ٹی ٹوئنٹی ورلڈ کپ میں مجموعی طور پر 20 ٹیمیں شرکت کریں گی،جن میں میزبان بھارت اور سری لنکا کے علاوہ افغانستان، آسٹریلیا، بنگلادیش، انگلینڈ، جنوبی افریقا، ویسٹ انڈیز، امریکا اور نیوزی لینڈ گزشتہ ورلڈ کپ کے سپر ایٹ مرحلے میں پہنچنے کے باعث پہلے ہی کوالیفائی کر چکے ہیں۔
پاکستان، نیوزی لینڈ اور آئرلینڈ نے اپنی آئی سی سی ٹی ٹوئنٹی انٹرنیشنل رینکنگ کی بنیاد پر براہ راست ایونٹ میں کوالیفائی کیا ہے۔
ٹی ٹوئنٹی ورلڈ کپ میں مجموعی طور پر 20 ٹیمیں شرکت کریں گی، اب تک 19 ٹیمیں فائنل ہوگئی جبکہ ایک ٹیم کا فیصلہ تاحال ہونا ہے۔
