امریکا میں تعینات لبنانی سفیر Nada Hamadeh نے امریکا اور اسرائیل کے ساتھ ہونے والی ابتدائی بات چیت کو نتیجہ خیز قرار دیتے ہوئے کہا ہے کہ مذاکرات نے آگے بڑھنے کے لیے ایک مثبت بنیاد فراہم کی ہے۔
مذاکرات کے بعد جاری اپنے بیان میں ندا حمادہ نے نومبر 2024ء میں طے پانے والے جنگ بندی معاہدے پر مکمل عمل درآمد کی فوری ضرورت پر زور دیا۔ انہوں نے کہا کہ خطے میں پائیدار امن کے قیام کے لیے جنگ بندی کی پاسداری ناگزیر ہے۔
لبنانی سفیر نے بے گھر افراد کی جلد از جلد اپنے گھروں کو واپسی کو بھی ایک اہم ترجیح قرار دیتے ہوئے کہا کہ اس حوالے سے عملی اقدامات کیے جانے چاہئیں۔ ان کا کہنا تھا کہ لبنان کی مکمل خودمختاری کا احترام کیا جانا چاہیے اور جاری تنازع کے باعث پیدا ہونے والے شدید انسانی بحران کو کم کرنے کے لیے فوری اور مؤثر اقدامات کی ضرورت ہے۔
انہوں نے مزید کہا کہ آئندہ مذاکرات کے اگلے مرحلے کی تاریخ اور مقام کا اعلان بعد میں کیا جائے گا، تاہم سفارتی عمل جاری رہے گا اور فریقین کے درمیان رابطے برقرار رہیں گے۔
About The Author
