سعودی عرب نے حج کے لیے عازمین کی کم از کم عمر 15 سال مقرر کرنے کا فیصلہ کیا، تاہم یہ پابندی چند گھنٹوں بعد ہی واپس لے لی گئی۔
ابتدائی طور پر نئی پالیسی کے تحت اعلان کیا گیا تھا کہ 15 سال سے کم عمر افراد کو حج کی ادائیگی کے لیے مملکت آنے کی اجازت نہیں ہوگی۔ اس حوالے سے پاکستان ایئرپورٹس اتھارٹی (پی اے اے) کے ترجمان نے بھی بیان جاری کیا تھا کہ 3 مئی 2026 سے کم عمر عازمین کو حج پروازوں میں سفر کی اجازت نہیں دی جائے گی۔
بیان میں یہ بھی کہا گیا تھا کہ 27 مئی 2026 تک 15 سال کی عمر مکمل نہ کرنے والے عازمین کے حج ویزے منسوخ تصور ہوں گے، جبکہ ایئرپورٹس کو ہدایت کی گئی تھی کہ ایسے مسافروں کو سفر سے روک دیا جائے۔
تاہم بعد ازاں پاکستان ایئرپورٹس اتھارٹی کی جانب سے وضاحتی بیان جاری کیا گیا جس میں بتایا گیا کہ سعودی حکومت نے یہ فیصلہ واپس لے لیا ہے۔
نئی اپڈیٹ کے مطابق اب سابقہ پالیسی بحال کر دی گئی ہے، جس کے تحت 12 سال یا اس سے زائد عمر کے بچے حج کے لیے اہل ہوں گے۔
پی اے اے کے مطابق 15 سال کی پابندی کے باعث مسترد کیے گئے ویزوں کو دوبارہ پراسیس کیا جائے گا، جس سے متاثرہ عازمین کو ریلیف ملے گا۔
About The Author
