گرمی کی شدت بڑھتے ہی مالاکنڈ اور مظفرآباد کے پہاڑی سلسلوں اور جنگلات میں آگ بھڑک اٹھی۔
مالاکنڈ کی تحصیل بٹ خیلہ کے سنگینہ پہاڑ میں لگی آگ نے شدید اختیار کر لی ہے، جس کے بعد مقامی مساجد سے شہریوں کو آگ بجھانے میں مدد کے لیے نکلنے کے اعلانات کیے جا رہے ہیں۔
پولیس حکام کے مطابق مالاکنڈ کی تینوں تحصیلوں کے مختلف پہاڑی سلسلےاس وقت آگ کی لپیٹ میں ہیں۔ تحصیل بٹ خیلہ کے سنگینہ پہاڑ، درگئی کے جبن پہاڑ اور تحصیل تھانہ کے بایزی آلہ ڈھنڈ ڈھیری اور زرکنڈی تنگے کے پہاڑوں میں لگی آگ نے قیمتی درختوں کو جھلسا کر رکھ دیا ہے۔
دوسری جانب، مظفرآباد کے نواحی پہاڑوں کے جنگلات بھی آگ کی زد میں ہیں۔
کنزرویٹر فاریسٹ میر نصیر کا کہنا ہے کہ شدید گرمی کے باعث چیڑھ کے جنگلات میں قدرتی طور پر آگ لگنے کے واقعات پیش آرہےہیں، محکمہ جنگلات کے پاس ضروری ساز و سامان کی شدید کمی ہے، روایتی طریقوں سے آگ پر قابو پانے کی کوشش کی جا رہی ہے۔
جبکہ تاہم تیز ہواؤں اور دشوار گزار راستوں کے باعث شدید مشکلات کا سامنا ہے۔
About The Author
